مـــــــه رۆ که متاری

مـــــــه رۆ که متاری

مـــــــه رۆ که متاری مـــــــه رۆ که مــــتاری

سڵا مت سه ربۆ مـــــــــه رۆ کــــــــه متاری

په نگای نه خشین  دلێ راسه و شاری

پــــــارک و تفریحگا و ئه من و د ڵـــــــد اری

ئۆمێذوو      ژیوایم   مایەو  سەبووری

جە روی تەنگانە  پە یم   غارۆ   سووری

هه ر ۆه خت ئامایا هاره و تیـــاره ی

یا توپه  ده یاش که شوو بختیاره ی

پەێ نێجاتی گیان  ڕوە  نینێ  یاری

تەنیا    ئۆمیذم   مەڕۆ    کەمتاری

کۆنجوو مٶغاری   دیواخانم   بێ

دلێ بەرەو مەری وەرهێوانم بێ

خەمین و خەمبار بە دیذەی پڕ شین

بێ سەذاو بێ دەنگ چوارمێکە نشین

نه قا ڵی و  گڵیم نە   رۆشنایی   بە ر

نه لیف نه  په تو  نه  سه رینگای سه ر 

دەروون بێ خەبەر جە  هه واڵی بێ

دیذە ئەسرین بار  زاموو  کاڵی   بێ

نە سە ذا و تەسویر نە رادیۆ خەبەر

هاژەو   تۆپا  بێ  ئاژیری   خەتەر

  لوورەو   کاتیوشای و هاڕەو خۆمپارەی

مووسیقاو من بێ چنێ هرمەو تیارەی

نه رزق و خۆراک  نه میوه و شــــــــاری

دوکان دار به زۆر نە ی په ی بـــــــازاری

قووتم نان و ئـــــاو یا تفه وشـــــکێ بــــی

قه ن داخ جای شۆتوو زاو ڵه و بیێشکێ بی

عیزراییل دایم چۆک دابێ جە لام 

ریو تاتەم کۆشیە ریو برا ریو ئە ذام 

گازی  کیمیـــــــــــای و خه ردلم نۆشا

زه حمه ت و ره نج و مه ینه تم کیشا

دەربە دەریم کێشت جە گۆشەو شارا

چوون تەبعید کریا جە پاو مۆغارا

هجیجیاو هجیج ده بۆشته و زبـــار

ماواو بێنروی و   هەورازە   و نێسار

 ئەردووگاو خەڵکی خەفەت باری بێ

 ئاوارەی مەزڵووم دوور جە شاری بێ

ئینه بی گوزران خه لکی بیــــــچاره

ئینه بی وه زعه م جه ئا روزگــــاره

حەر وەخت گنوو فکروو داخاو رۆزگاری

لافاڤوو هەرسا جە چەم   بۆ جاری

 بە دڵ پاریم سنووروو  شاری

سەدان کەسم بی ‌قۆربانی یاری

وەشەویسێ خاک ئەرقی وەتەن بێ

ڕۆشنایی چەمام چنارەو دەربەن بێ

ماوا و کەشوو کۆ  جه لام شـــــــــیرین بی

پی من به هه شتی روی سه رزمین بی

نه تاوام ده ونه ش ده سوو بیــــــگانــه ی

نامه رذیم نه که رذ چەنی زه مــــــانه ی

ژیوایم دا بە سەر گرذ بە نەذاری 

مە نا و ناست ما جیا چنی سوورە جناری

مــــه رو که متاریم گرته گیـــــــانه وه

گله یم نه که رذی جه ده س ژیانه وه

من هامسات بێنی مه رۆ که متاری

ده رذام بنویسه په ی  یادگــــــاری

به ئاهی ده روون به هه رسۆ چه مام

ده فته رم نویسته ن جه کۆگاو خه مام

ئی مزاو ده فته ریم تۆ که رذه ن دیاری

سلامت سه ربۆ مه رۆ که مــــــتاری.

خـــــه مبار

نوشته شده بهمن 1393 ویرایش فروردین 1399

مـــــــه رۆ که متاری

فعلا فعالیتی ندارییم

وه تـــــه نی ‌‌ئازیز